La Universidá d'Uviéu celebra'l solemne actu d'apertura del añu académicu'l 9 de setiembre nel Edificiu Históricu
La ceremonia va cuntar cola presencia del ministru d'Universidaes y el presidente del Principáu y la llección inaugural va correr al cargu de la profesora Almudena Ordóñez | Les clases del cursu 2022-2023 van empezar el llunes, 12 de setiembre
L'actu d'apertura del cursu académicu 2022-2023 de la Universidá d'Uviéu celebrará'l vienres, 9 de setiembre, a les 12:00 hores, na Biblioteca del Edificiu Históricu, presidíu pol rector, Ignacio Villaverde. La ceremonia va cuntar cola presencia del ministru d'Universidaes, Joan Subirats y col presidente del Principáu, Adrián Barbón.
El programa inclúi la llectura de la memoria del pasáu cursu, a cargu del secretariu xeneral de la Universidá, Ángel Espiniella; la llección inaugural, que va ser impartida por Almudena Ordóñez, catedrática de la Área de Prospección ya Investigación Minera, col títulu "Enagua, mina y economía ciruclar"; y les intervenciones del rector Ignacio Villaverde, el ministru d'Universidaes y el presidente del Principáu, que va cerrar l'actu. Les y el doctores, revistíos de traxe académicu, van axuntar a les 11:00 hores na Sala de Togues del Edificiu Históricu, y van formar comitiva a les 11:50 hores.
Per otra parte, el periodu lectivu del cursu 2022-2023 va empezar el llunes, 12 de setiembre.
Galería d'imaxes
