Más donantes y más donaciones. Ye la resultancia de la campaña de donación de sangre realizada na Universidá d'Uviéu nel cursu 2021-2022.  En concretu, realizáronse un total de 1052 donaciones, de les que 405 correspondieron a nuevos donantes. Estes cifres presentáronse'l 28 de xunu na Aula Magna de la Universidá d'Uviéu, nun actu nel que participaron el vicerrector d'Estudiantes, Alfonso López Muñiz; María Teresa Díaz Campumanes, directora xerente del Centru Comuñal de Sangre y Texíos d'Asturies (CCSTA) y el  coordinador d'Estracciones del CCSTA, Pablo Mata. 

 

Nel actu, apurriéronse los  distintos premios y distinciones. En concretu, los estudiantes Alejandra Valentina Bermeo Bravo, alumna del grau de Turismu y Javier Fernández Suárez, del doble grau de Derechu y ADE, fueron premiaos con dos tales beca por importe de 600 euros. Amás, Pelayo Jove González, estudiante del grau de Relaciones Llaborales recibió'l premiu especial de la Campaña Universitaria y la Facultá de Filosofía y Lletres llogró'l Diploma a la solidaridá', por ser el centru nel que se rexistraron más donaciones. Recoyó'l diploma'l so decanu, José Antonio Gómez. 

 

Nel actu tamién participaron Manuel Faustino Valdés, presidente de la Federación de Donantes de Sangre del Principáu (Fedospa) y Ernesto Marcos, presidente de la Hermandá de Donantes de Sangre del Principáu d'Asturies, ente otros axentes sociales.