El Conseyu Social aprobó con un respaldu casi unánime los planes estratéxicos de la Universidá d'Uviéu que tendrán d'emponer el futuru d'institución académica nos próximos años. El conseyu presidíu por Juan Antonio Pérez Simón, que caltuvo la so xunta plenaria ayeri na Aula Clarín, dio'l so vistu bonu al Plan Xeneral Estratéxicu con solu dos astenciones; el Plan de Titulaciones foi aprobáu con trés astenciones y un votu en contra; el nuevu modelu d'organización recibió namá una astención y, finalmente, los planes estratéxicos d'investigación ya infraestructures fueron aprobaos por asentimientu.

 

L'aprobación nun esclúi, según señala'l conseyu, que les actuaciones concretes que se deriven de los planes esixan tramitaciones no que se refier a titulaciones, centros, convocatories d'investigación tresañales y cambeos de les relaciones de puestos de trabayu que van riquir de nuevu la intervención del Conseyu Social. 

 

Mientres la sesión, la secretaria del Conseyu Social, Miriam Cueto, lleó una carta empobinada pol director de la Escuela de Mines, Francisco Javier Iglesias, al presidente y a los conseyeros. La mesma carta foi distribuyida tamién ente los conseyeros.

 

El rector de la Universidá d'Uviéu, Ignacio Villaverde, amosóse bien satisfechu pola decisión del Conseyu Social y destacó que l'aprobación de los planes estratéxicos cuntó con un perampliu respaldu. Villaverde puntualizó que, d'equí p'arriba y una vegada aprobaos los planes, l'equipu que va dirixir empecipiar l'espediente específico y concreto de fusión de centros pa la implantación de tolos estudios de Minería nel Campus de Mieres. 

 

El máximu responsable de la institución académica manifestó qu'esti procesu tien que siguir el so propiu circuitu d'aprobación que pasa pol so vistu bonu en Conseyu Rectoral, una propuesta al Conseyu de Gobiernu de la universidá, d'ende al Conseyu Social y, finalmente, al Conseyu de Gobiernu del Principáu d'Asturies que ye'l que tien la competencia última sobre la creación y estinción de centros.