La Universidá d'Uviéu y la compañía multinacional Accenture Limited anueven la Cátedra Accenture d'Intelixencia Analítica Avanzada, qu'actualiza una cátedra yá esistente y que tien ente los sos oxetivos potenciar la collaboración ente universidá, mundu empresarial y sociedá nel ámbitu del usu intelixente de los datos. El conveniu pa la puesta en marcha de la cátedra foi robláu digitalmente pol rector de la Universidá d'Uviéu, Ignacio Villaverde, y por Teresa Albertos Minguela, per parte de Accenture. 

 

La cátedra va desenvolver, ente otres acciones, cursos y seminarios especializaos o xornaes y conferencies sobro temes que sían d'interés mutuu, empobinaos a un granible insertamientu llaboral de los titulaos universitarios nel ámbitu de la empresa. Amás, Accenture va participar en foros d'empléu empobinaos a los estudiantes de la Universidá d'Uviéu, va poner en marcha programes de práctiques pal alumnáu de los últimos cursos y va promover premios y distinciones a estudiantes destacaos. La cátedra, que va tar dirixida por Consuelo Martínez López, catedrática del departamentu de Matemátiques na Universidá d'Uviéu, va entamar actividaes comunes rellacionaes cola promoción y divulgación de la cultura científica y va poner especial atención naquelles empobinaes a faer llegar a sectores educativos de primaria y secundaria la intelixencia analítica avanzada. 

 

El rector de la Universidá d'Uviéu, Ignacio Villaverde, nel actu de presentación de la cátedra, que cuntó cola presencia de Rodrigo Álvarez García, Accenture Managing Director; Antonio Fernández, representante de la compañía n'Asturies y Consuelo Martínez, estimó a la empresa'l so apueste pola formación y l'investigación al traviés de la institución y aprofió la importancia de que "les empreses cunten col nuesu texíu científico ya innovador". "Ye necesariu potenciar esta relación ente universidá y empresa, y más nesti campu nel que resulta vital conocer de primera esquito les necesidaes que surden nel ámbitu llaboral pa poder avanzar pel bon camín nel campu académico ya investigador", dixo, y añedió que "convenios como'l robláu güei para proponen acciones que resulten beneficioses pa dambes partes y pa la sociedá asturiana polo xeneral". Al actu tamién asistieron Santos González Jiménez, catedráticu de la Universidá d'Uviéu y Jorge García García, director d'área de Tresferencia y Cátedres d'Empreses del Vicerrectorado de Tresferencia y Relaciones cola Empresa de la Universidá d'Uviéu.