El cáncer de mama ye'l tumor malinu más frecuentemente diagnosticáu en muyeres. Por esti motivu, ye importante establecer midíes que contribuyan a ameyorar les conocencies rellacionaes cola prevención d'esti grave problema de salú. El grupu d'investigación de Promoción de la Salú- PRECAM (Universidá d'Uviéu ya Institutu d'Investigación Sanitaria del Principáu d'Asturies-ISPA), xuntu cola Área Sanitaria VII del Serviciu de Salú del Principáu d'Asturies, punxeron en marcha'l proyectu Breast 47. Esta iniciativa, dirixida a les moces de la área del Caudal, tien por oxetivu ayudar a percibir el riesgu individual de desenvolvimientu d'esta enfermedá para poner en marcha conductes preventives que modifiquen estos factores de riesgu. 

 

El promotores del presente estudio, profesores y doctorandos de la Universidá d'Uviéu, definen el Breast 47 como una intervención educativa al traviés de la cual les muyeres van poder adoptar pautes saludables para amenorgar los factores de riesgu. Por casu, el proyectu inclúi conseyos para llevar a cabu una alimentación saludable, para realizar actividá física de forma regular o recursos disponibles na so redolada para realizar exerciciu. 

 

Nes pasaes selmanes yá s'unvió per corréu postal una carta a les muyeres candidates a participar. El autores d'esta iniciativa esclarien que quien decidan participar nun van tener que movese a nengún centru sanitariu. Habilitóse una páxina web para facilitar l'accesu a la información y va contactase con elles al traviés d'una cuenta de corréu electrónicu de la Universidá d'Uviéu.