La Universidá d'Uviéu va formar al so personal docente ya investigador para prevenir los ciberataques y el fraude ye la rede. Este ye l'oxetivu del taller online que, entamáu pol Institutu d'Investigación ya Innovación Educativa (INIE) de la universidá asturiana, va impartir, ente'l 28 y el 30 de marzu, José Manuel Redondo López, profesor titular del Departamentu d'Informática. La formación pa prevenir la ciberdelincuencia, según el profesor Redondo, fíxose más necesaria entá porque mientres el teletrabajo obligáu pola pandemia'l númberu de ciberataques disparóse.

 

La recién esguilada de ciberataques en tol mundu –sorraya'l ponente-- convirtió a les instituciones públiques y, más en concretu, a les universidaes n'oxetivos prioritarios pa organizaciones de cibercrimen. "Unu de los puntos más vulnerables son los emplegaos de les instituciones y el principal problema al que s'enfrenten ye la falta de formación específica, d'ende la necesidá de talleres como'l que vamos impartir", destaca. Los principales oxetivos d'esta formación online van ser: conocer los medios y recursos pa protexer los datos personales y la privacidá dixital, ufiertar estratexes de protección frente a intentos d'accesu fraudulentos nes cuentes, adquirir les conocencies necesaries pa evitar ataques al traviés de email y página web y amontar la concienciación pa nun ser víctima d'intentos de fraude comunes al traviés de dellos medios dixitales bien usaos anguaño.

 

El profesor Redondo sorraya que, detrás de los ataques na rede, tán grupos criminales entamaos qu'operen dende dellos países, munches vegaes de forma indiscriminada, col enfotu de extorsionar bien a persones o bien a instituciones. "La persecución d'estes organizaciones ye bien complicada porque tán integraes por persones de dellos países, lo qu'esixe un esfuerzu internacional y la collaboración ente gobiernos". 

 

El propósitu d'estes ciberbandas sueli ser la estorsión, yá sía personal, so l'amenaza de revelar datos comprometíos o delicaos; o institucional, en cifrando y secuestrar la información de la empresa y solicitar un rescate económicu.  

 

El profesor Redondo indica que, nel casu de les universidaes, la intención suel ser tomar el control del máximu númberu de dispositivos posibles pa consiguir un oxetivu común; la comisión d'un delitu como, por casu, baltar la web d'un gobiernu. "Mercar miles d'ordenadores pa cometer estos delitos ye siempres muncho más caru qu'intervenir los de les instituciones públiques", comenta l'espertu, qu'ufierta amás dellos conseyos prácticos pa responder. 

 

¿Cómo actuar?

Primero, ye recomendable escoyer siempres contraseñes segures y camudales con cierta frecuencia. Segundu, si s'abarrunta d'un ataque a una de les nueses cuentes de cualquier serviciu, ye necesariu camudar la clave porque pue tar comprometida. Terceru, si la cuenta yá foi intervenida, ye obligáu solicitar una recuperación de la clave pa camudala y volver tar protexíu. Y, a lo último, si l'incidente ye grave, ye d'utilidá presentar una denuncia. El profesor Redondo añede qu'esisten portales dixitales que t'indiquen si la to clave ta o non comprometida.

 

¿Cómo prevenir?

L'encamientu más importante, pa esti espertu, ye ser especialmente cuidadosu colos adxuntos, que son la principal fonte de problemes tantu pa particulares como pa empreses. "La mayor parte del malware llega por adxuntu y enllaces", asegura.  "Lo más importante ye usar el sentíu común y, si un usuariu al que conocemos pídenos nun corréu electrónicu daqué inhabitual o estrañu, meyor realizar siempres xuna llamada de comprobación", añede. 

 

El cursu que se va impartir agora ente'l personal docente ya investigador va tener probablemente continuidá ente'l personal d'alministración y servicios al traviés del Campus del Grupu 9 d'Universidaes G9.