L'Asociación Española de Contabilidá y Alministración d'Empreses (AECA) premió a trés alumnos de la Facultá d'Economía y Empresa de la Universidá d'Uviéu col Galardón al meyor espediente académicu por grupu", que reconoz la excelencia académica y desempeñu de los alumnos matriculaos en 4º cursu del grau de Contabilidá y Finances (CyF) y del doble grau ADE-Derechu. Esta distinción convócase dientro del Programa Internacional de Beques AECA para estudiantes universitarios d'Alministración d'Empreses (PIBE-AECA). 29ª Edición. 2022" nel que tán inscrites 32 universidaes.

 

María Gómez, María Palaciu y Álvaro Ursueguía son los alumnos galardonaos de la Universidá d'Uviéu n'evaluando tolos espedientes académicos presentaos polos distintos departamentos universitarios participantes, que fueron 10 nesta edición del premiu. El galardón, que'l so propósitu ye sofitar la incorporación del talentu al mercáu llaboral, pon de manifiestu'l gran interés de los mozos por esti sector.

 

"Gustaríame poder trabayar en dalguna de les compañíes referencia del sector y nun futuru poder montar la mio propia empresa", destaca Álvaro Ursueguía. La so compañera, María Palaciu, nun refuga siguir estudiando o "preparar dalguna oposición para l'Alministración Pública. Y, si non, empezar directamente a trabayar nel sector priváu". Pela so parte, María Gómez entiende'l premiu como una reconocencia al so esfuerzu: "Recuérdame que pudi y, por tanto, faime ver que tou con esfuerzu y constancia ye posible". Amás del diploma correspondiente, los equipos participantes tienen derechu a la inscripción gratuita a "RETU 2022", un proyectu-xuego internacional de simulación empresarial entamáu por Companygame. AECA pon tamién los sos currículos a disposición de les entidaes patrocinadores del Programa internacional de Beques PIBE-AECA.

 

Segunda reconocencia consecutiva Ye'l

segundu añu consecutivu nel que los alumnos de la Facultá d'Economía y Empresa de la Universidá d'Uviéu reciben esti galardón, gracies a la iniciativa del Departamentu de Contabilidá de la Universidá d'Uviéu. La participación del alumnáu surde a instancies de los departamentos universitarios qu'escueyen hasta trés estudiantes como grupu, primeramente becaos nel programa PIBE-AECA. AECA evalúa les calificaciones llograes hasta'l momentu na carrera y, del cómputu de les calificaciones, llógrense los nomes tantu l'equipu ganador como los trés mentes destacaes.

 

El Programa Internacional de Beques PIBE AECA, impulsáu pola AECA, dexó ayudar mientres 2022 a 1.313 alumnos universitarios de los graos d'Alministración y Dirección d'Empreses (ADE) y posgrados de toa España (1.028 en 2021), ufiertándo-yos una meyora en formación profesional de cara a la so incorporación al mercáu llaboral. Mientres 2022, 32 universidaes, 22 nacionales y 10 internacionales (Arxentina, Ecuador, México, Portugal) participen nel programa, según nuevos posgrados hasta algamar los 14 másteres, más que na edición anterior. Tamién se suman nueves entidaes collaboradores hasta llegar a les 16 empreses ya instituciones actuales.

 

Na presente edición de los premios llograron una mención especial los equipos de la Universidá de Cantabria (UC), l'Institutu Tecnolóxicu de Sonora-ITSON (México) y l'Universidá de Granada (UGR).