Un total de 503 profesores y profesionales de la enseñanza darán cita esti 24 y 25 de xineru nel Campus d'El Milán para participar nes XIV Xornaes Internacionales d'Innovación Docente qu'anguaño se centrarán nes meyores y desafíos para'l tresformamientu educativu. Esti alcuentru, qu'entama la Universidá d'Uviéu al traviés del so Institutu d'Investigación ya Innovación Educativa (INIE), va cuntar cola participación d'espertos de 37 universidaes españoles y estranxeres y de 62 centros d'Educación Primaria y Secundaria que van presentar 154 trabayos. 

 

Pedro Alonso, vicerrector de Polítiques de Profesoráu, define estes xornaes como "un llugar d'alcuentru, de reflexón, d'intercambiu d'idees y d'esperiencies, que favorez les sinergias ente grupos interdisciplinares, col fin d'ameyorar la calidá del procesu d'enseñanza-aprendizaje". Alonso añede que la Universidá d'Uviéu tien de ser un elementu estratéxicu pa liderar les meyores y desafíos que dexen tresformar la educación. "Entendemos la nuesa universidá como xuna gran rede de creación ya innovación, qu'atesora y promueve el talentu, capaz de xenerar un caudal de recursos que nos preparar pa les incertidumes y complexidaes del presente y del futuru".

 

Ye nesti marcu onde, n'opinión del vicerrector de Polítiques de Profesoráu, cobren sentíu estes xornaes. "El tresformamientu educativu ye xuna xera qu'arreya munchos factores: el binomiu profesoráu-alumnáu, la evolución de les metodoloxíes docentes, l'usu de ferramientes tecnolóxiques... Al traviés d'una combinación eficiente y eficaz de toos estos factores, tenemos d'apurrir una formación académica integral que respuenda a les mires y necesidaes del nuesu estudiantáu, que-y dexe convertir se nuna ciudadanía responsable y en profesionales relevantes", sorraya.

 

La inauguración. L'apertura de les xornaes va tener llugar el llunes, 24 de xineru, a les 9:30 hores, nel Salón d'Actos del Edificiu de la Biblioteca del Campus d'El Milán. La inauguración va tar presidida pol rector Ignacio Villaverde, que va tar acompañáu por Cristina González, directora xeneral d'Universidá del Principáu d'Asturies, Alfredo Canteli, alcalde del Conceyu d'Uviéu, y Pedro Alonso, vicerrector de Polítiques de Profesoráu.

 

Conferencia inaugural. Tamién el Salón d'Actos del Edificiu de la Biblioteca va acoyer, a partir de les 10:00 hores, la conferencia plenaria que va ser presentada pola directora del INIE de la Universidá d'Uviéu, Lourdes Villalustre. La docente de la Universidá de Salamanca Ana García-Valcárcel, que va impartir esta charra, va encetar el tresformamientu de la docencia universitaria en redolaes de fluidez dixital. 

 

Mesa de bones práctiques docentes. Nel mesmu espaciu y a partir de les 12:00 hores, va desenvolvese'l panel d'espertos, coordinaos por David Álvarez, Director de la Área de Docencia. Esti alcuentru va centrar en trés aspeutos d'actualidá:

• Evaluación al traviés de proyectos d'investigación tutelaos: desenvolviendo competencies específiques y tresversales na asignatura "Evaluación de servicios públicos". Esti bloque va correr al cargu de Manuel Antonio Muñiz Pérez.

• La enseñanza universitaria colaborativa. Propuestes de bienestar y serviciu a la comunidá dende l'ámbitu artísticu-musical. Mirta Marcela González Barrosu va ser la ponente.

• Aplicaciones on-line, documentos audiovisuales y testimonios pal taller "Dende les dos veres. La lliteratura francesa y les lliteratures africanes nel sieglu XXI", al cargu de María del Rosario Álvarez Rubio.

 

Meses simultánees. Dende les 16:00 hores hasta les 18:30 hores, van desenvolvese simultáneamente seis meses de temática variada que van encetar cuestiones como la metodoloxía docente, el desenvolvimientu de competencies tresversales, les tutoríes y siguimientos, les esperiencies docentes inspiradores, los recursos dixitales y el diseñu de materiales multimedia.

 

Ponencia. Na xornada del martes, a partir de les 9:30 hores, la profesora de la Universidá d'Uviéu Cristina Valdés va impartir la ponencia ¿Anovar? ¿Tresformar? ¿Qué universidá queremos? La charra va ser presentada pola Secretaria académica del INIE, Marisol Fernández Cueli.

 

Panel d'espertos. L'alcuentru d'espertos del martes, que se va desenvolver a les 11:30 hores, va centrar na innovación abierta y va ser coordináu por Ramón Rubio García, profesor de la Universidá d'Uviéu. Van Intervenir:

• Ainara Zubillaga, directora d'Educación y Formación de la Fundación COTEC.

• Héctor Colunga, director de Mar de Borrina.

• Eva Pando, directora de IDEPA.

 

Presentación de posters y comunicaciones online. L'edificiu d'Alministración del Campus d'El Milán va ser el llugar onde se presenten los posters ente les 13:00 hores y les 14:00 hores del mesmu martes; les comunicaciones online van desenvolvese pela tarde, de 16:30 hores a 17:30 hores. 

 

Talleres simultáneos online. Tamién na sesión de tarde, ente les 18:00 y les 20:00 hores, van realizase talleres simultáneos que, de forma práctica y participativa, van encetar metodoloxíes, esperiencies o ferramientes destinaes a la innovación docente. Nestos talleres tratarán aspeutos como la ciencia en rede, el papel de la creación na innovación o l'empléu de medios sociales.

 

Información práctica. Les sesiones de la mañana del día 24 y 25 van ser retresmitíes en directu pola canal Youtube de la Universidá d'Uviéu. Les sesiones de tarde van ser retresmitíes al traviés de la plataforma Microsoft Teams. Amás, toles persones inscrites van ser daes d'alta nel Campus Virtual de la Universidá d'Uviéu pal siguimientu de les comunicaciones orales. Los enllaces y l'información rellacionada col siguimientu online de les xornaes puede atopase nel estremáu Retresmisión en Directu de la páxina web: https://jornadasinnova.uniovi.es/

 

Na presente edición, participen universidaes españoles como la Complutense y l'Autónoma de Madrid, la de Valencia, Málaga o Córdoba y estranxeres de países como EEXX, Arxentina, México o Brasil.