La Sala d'Esposiciones del Edificiu Históricu de la Universidá d'Uviéu va acoyer la esposición fotográfica "Nacer neña", una amuesa de 33 fotografíes que rellata les inxusticies que sufre la muyer n'India mientres toles etapes de la so vida, dende la so nacencia hasta la so vieyera. La esposición, que va poder vese del 13 de xineru al 6 de febreru, va ser inaugurada mañana xueves por Humberto R. Solla, vicerrector de Relaciones Institucionales y Coordinación.

 

Ser neña n'India nun ye fácil. La esposición "Nacer neña", impulsada por Global Humanitaria y financiada por L'Axencia Asturiana de Cooperación, avéranos a les esperiencies y hestories de muyeres y neñes indies, que son discriminaes y maltrataes acaldía pol simple fechu del so xéneru.

 

Inclusive dende antes de nacer, les neñes son indeseadas por considerase xuna carga. N'India hai munchos casos de neñes esclavizadas o obligaes a contraer matrimoniu a una edá bien temprana con homes que nin siquier conocen. Al ser casaes, van dexar la escuela y la so única misión va ser trabayar nel llar y tener fíos. Munches van ser refugaes por nun xestar un varón o pol fechu de sobrevivir al so home. 

 

Les imaxes de "Nacer neña" avérennos al testimoniu de neñes y muyeres indies, víctimes d'abusos, marxinaes y refugaes socialmente. Son persones a les que se-yos negó ser dueñes de la so propia vida y que vieron los sos derechos violaos tan solo por nacer muyer nuna sociedá patriarcal na que son frecuentes les situaciones de machismu y violencia.

 

Feches:

L'amuesa puede visitase del 13 de xineru al 16 de febreru na Sala d'Esposiciones del Edificiu Históricu de la Universidá d'Uviéu. C/ San Francisco, 1. Uviéu.

Horariu:

de llunes a vienres. De 11.00 a 14.00 hores y de 17:00 a 20.00 hores. Los sábados, de 10:00 a 19.30 y los domingos, de 10.30  a 14.30 hores.