El profesores ya investigadores Eduardo Cires Rodríguez, de la Área de Botánica del Departamentu de Bioloxía d'Organismos y Sistemes de la Universidá d'Uviéu y del Institutu de Recursos Naturales y Ordenación del Territoriu (INDUROT), y Candela Cuesta Moliner, de la área de Fisioloxía Vexetal adscrita al mesmu departamentu, llograron el VII Premiu d'Investigación Dr. Santiago Castroviejo, que convoca añalmente l'Asociación de Herbarios Ibero-Macaronésicos (AHIM). El trabayu Diversity of marine macroalgae from Cantabria (Eastern Cantabrian, Spain) foi galardonáu con esti premiu pola so contribución a la meyor conocencia de la biodiversidá de les algues marines na comunidá autónoma de Cantabria.

 

La entrega del premiu, presidida pola presidenta de la AHIM (Asociación de Herbarios Ibero-Macaronésicos), Esther Giménez Luque, va realizar nel mes d'avientu nel marcu de l'asamblea añal de l'asociación.

 

El investigadores galardonaos señalen que, como resultancia del trabayu. identificáronse un total de 425 especies (25 Cyanobacteria, 55 Chlorophyta, 81 Ochrophyta y 264 Rhodophyta), lo que contribuyó a amontar la conocencia sobro les algues del norte de la Península Ibérica, que tienen especial relevancia nos equilibrios físicu-químicos, el ciclu del carbonu y el sustentu alimenticiu.