L'Institutu Universitariu de Ciencies y Tecnoloxíes Espaciales d'Asturies (ICTEA) de la Universidá d'Uviéu desenvolvió un proyectu de collaboración ente astrónomos profesionales y amateurs gracies al cual afayáronse 4 nuevos exoplanetas y 14 nuevos candidatos. Les resultancies de la investigación fueron aceptaos pa publicación na revista Monthly Notices of the Royal Astronomical Society, de gran impactu na so área de la conocencia.

 

El proyectu denomináu K2-OjOS (K2-Ojímetro Survey) consistió na inspección visual per parte de 10 astrónomos amateurs d'un total de 20427 curves de lluz de la decimoctava campaña del telescopiu espacial Képler na so misión estendida K2. Los astrónomos amateurs, dirixíos por astrónomos profesionales del Institutu Asturianu de Ciencies y Tecnoloxíes del Espaciu d'Asturies (ICTEA), achisbaron a güeyu toles curves de lluz col oxetivu principal de detectar tránsitos de exoplanetas, trabayu pal que fueren primeramente adomaos per parte de el investigadores del ICTEA.

 

La busca, desenvuelta nel marcu de los confinamientos de la primavera del añu 2020 causaos pola COVID-19, remató cola detección d'un eleváu númberu de señales de tipu tránsitu de exoplanetas, lo mesmo que de nueves estrelles variables reportaes per vegada primera. El investigadores del ICTEA desenvolvieron de siguío un fondu trabayu de peneráu y analís de tolos datos percanciaos que concluyó col descubrimientu de cuatro nuevos exoplanetas validaos (K2-355b, K2-356b, K2-357b y K2-358b), según 14 nuevos candidatos. Tamién se recuperaron planetes descubiertos en campañes previes de K2 que los sos parámetros planetarios y orbitales fueron recalculados y ameyoraos al añedir los datos de la decimoctava campaña. Igualmente, na investigación aldericáronse les condiciones de habitabilidad de los planetes atopaos y realizóse xuna comparanza ente los métodos automáticos de detección de exoplanetas y les busques realizaes por persones.

 

Javier de Cos, director del ICTEA, destaca que la importancia d'esti afayu mora non solo nel descubrimientu de exoplanetas, sinón tamién na puesta en marcha d'un proyectu de collaboración ente profesionales y amateurs. "Lo que ye güei, a pesar de tolos algoritmos intelixentes desenvueltos, tanto n'otres instituciones como nel ICTEA, nada supera la capacidá humana de detectar los planetes.  Nesti campu, como en tantos otros dientro de l'astrofísica, disponer d'astrónomos amateur cola formación fayadiza dexa encetar proyectos más ambiciosos con ésitu. El confinamientu foi'l caldu de cultivu perfectu pa estos diez collaboradores que, mientres dellos meses, sustituyeron les sos salíes nocherniegues por sesiones d'analises a güeyu, sorraya De Cos. 

 

Nesti estudiu, amás de científicos del Institutu Asturianu de Ciencies y Tecnoloxíes Espaciales d'Asturies y astrónomos amateurs de la Sociedá Astronómica Asturiana Omega, participaron investigadores del departamentu de Química y Física Analítica de la Universidá d'Uviéu, investigadores de la Universidá de Tokio, de la Universidá de Chalmers y del Centru de Astrobiología.

 

Les resultancies de la investigación fueron aceptaos pa publicación na revista especializada Monthly Notices of the Royal Astronomical Society (The K2-OjOS Proyect: New and Revisited Planets and Candidates in K2 Campaigns 5, 16 & 18, Castro González et al. 2021).