Entender cómo afecta la ingesta habitual d'ácidos grasos específicos a la función auditiva podría ayudar a desenvolver encamientos dietéticos para un avieyamientu saludable y, nesta llínea, un  estudiu desenvueltu por investigadores del CIBER d'Epidemioloxía y Salú Pública (CIBERESP), de la Universidá Autónoma de Madrid (UAM), de la Universidá d'Uviéu y del Institutu IMDEA-Food concluyó que los poliinsaturados (como los de la familia de la Omega-3 y Omega-6) exercen un factor protector frente a la discapacidá auditiva en muyeres.

 

Esti trabayu, publicáu na prestixosa revista European Journal of Nutrition, analizó información de más de 105.000 homes y muyeres a partir de los 40 años, participantes nel estudiu UK Biobank,  coles mires d'esaminar l'asociación ente la ingesta d'ácidos grasos y la discapacidá auditiva mientres un periodu de siguimientu mientres más de 3 años.

 

La ingesta dietética per parte de los participantes d'ácidos grasos totales, ácidos grasos poliinsaturados (PUFA), ácidos grasos enchíos (SFA) y ácidos grasos monoinsaturados (MUFA) evaluóse al entamu del estudiu, esaminando coles mesmes la capacidá auditiva de los pacientes. De los 105.000 participantes, 832 homes y 872 muyeres desenvolvieron xuna discapacidá auditiva al rematar l'estudiu.

 

Les resultancies amuesen l'asociación entre xuna alta ingesta d'ácidos grasos poliinsaturados y un menor riesgu de discapacidá auditiva en muyeres, sobremanera nes menores de 60 años, tal que esplica l'investigador del CIBERESP Humberto Yévenes y primer firmante del estudiu, qu'indica que "que reemplazar el 5% de la ingesta enerxética d'ácidos grasos enchíos por una enerxía equivalente d'ácidos grasos poliinsaturados podría amenorgar el riesgu de discapacidá auditiva nun 25%".

 

Según esplica Esther López, investigadora del CIBERESP na UAM y postrera firmante, "esti estudiu ye bien importante porque la perda auditiva ye xuna de les principales causes d'años vivíos con discapacidá, y considérase invisible porque davezu se subestima en comparanza con otros problemes de salú, d'ende que podríamos ayudar a desenvolver encamientos dietéticos pa caltener una audición óptima". 

 

Alberto Lana Pérez, firmante del trabayu y profesor del Departamentu de Medicina de la Universidá d'Uviéu, esplica que "xuno de los aspeutos más interesantes d'esti trabayu mora na so llectura más xeneral, yá que apurre xuna prueba más del efectu positivu de la grasa dietética saludable pa la salú de les persones mayores, lo qu'ayuda a tar un pocu más seguros cuando dicimos a la población que lo verdaderamente importante nun ye tomar menos grasa, sinón escoyer aquella de meyor calidá". El Dr. Lana Pérez sorraya que "la collaboración de la Universidá d'Uviéu cola Universidá Autónoma de Madrid foi bien enriquecedora y granible, y que la so contribución intelectual tuvo na interpretación de los datos y na redacción del manuscritu".

 

El retu: determinar si los ácidos grasos enchíos aumenten el riesgu Nes 

persones mayores, la perda auditiva acomuñóse con un mayor riesgu d'aislamientu social, depresión, deterioru cognitivu, mala calidá de vida y un mayor riesgu d'enfermedá cardiovascular. Coles mesmes, la evidencia científica suxure que'l sexu modela la susceptibilidá a la perda d'audición rellacionada cola edá pol efectu protector de los estróxenos sobro la función auditiva. Amás, tamién puede perdese audición por una función vascular deteriorada, polo que los alimentos que puedan ameyorar esta función pueden tener un papel protector. 

 

Nesta llínea, el autores del estudiu consideren que ye conveniente siguir investigando pa detectar la causa de les diferencies ente homes y muyeres y pa resolver si la ingesta d'ácidos grasos enchíos aumenta'l riesgu de perda d'audición.