El Centru d'Atención al Usuariu (CAU) de la Universidá d'Uviéu trabaya para desenvolver, facilitar y potenciar el correctu usu de les Tecnoloxíes d'Información y Comunicación per parte de la comunidá universitaria apurriendo soporte nel resolvimientu d'incidencies relatives a los sistemes informáticos y servicios de rede corporativos.

 

El CAU empresta asistencia y asesoramientu recepcionando y esguilando incidencies, les 24 hores del día los 7 díes de la selmana, realizando diagnósticos y resolviendo cuestiones sobro software (basáu en sistemes operativos convencionales de Windows o les últimes versiones de macOS, en distribución Linux: Ubuntu, Debian, Suse, Slackware, Redhat o CentOS y sistemes de portátil Apple (IOS y Ipad VOS) o Android) o hardware o xestionando aules y otros espacios tantu al alumnáu matriculáu en dalguna enseñanza impartida pola Universidá d'Uviéu, como al personal con contratu activu y, de forma puntual y previa autorización pola Coordinación del Serviciu, a aquelles persones ensin vinculación directa cola institución.

Llueñe de quedase nun meru serviciu online, el Centru d'Atención al Usuariu empresta tamién soporte presencial de manera eficiente optimizando los servicios englobados dientro del marcu estratéxicu de la Universidá d'Uviéu.

 

Servicios proporcionaos sobro equipo propiedad de la Universidá d'Uviéu:

Instalación o cambéu d'equipu (incluyendo salvaguarda y recuperación de datos)

Instalación de periféricos habituales

Asistencia n'instalación y desinstalación de software

d'usu común y aplicaciones corporatives

Configuración de rede cableada ya inalámbrica

Xestión de garantía o arreglu d'averíes hardware (hasta un importe de 200 €)

Embalaxe y tresporte al taller p'arreglos

Equipo de cortesía