El delegáu del rector para la Coordinación Biosanitaria y de la Salú, Miguel del Valle, emitió una instrucción, con fecha del 3 de setiembre, na que se detalla cómo se van llevar a cabu na Universidá d'Uviéu les midíes recoyíes nel escenariu verde del Plan Marco para la Xestión de la Pandemia. 

 

La declaración del escenariu verde, que va entrar a valir esti llunes, 6 de setiembre, supon un regresu, siempres responsable, a l'actividá universitaria cola mayor presencialidad posible nel marcu de lo dispuesto poles autoridaes sanitaries.

 

La finalidá de la Instrucción ye concretar dellos aspeutos necesarios para la fayadiza aplicación del escenariu verde qu'ayude a la comunidá universitaria, y a los centros en particular, a volver a les cortiles académiques con criteriu y precuru. Tolos detalles que se recueyen na instrucción pueden consultase nel documentu axuntu.