La ilusión de Martina, una pequeña de 6 años, yera asistir a un campamentu de branu y poder ver les estrelles. La so delicada situación de salú –Martina sufri una enfermedá grave—facer prácticamente invidable. La Universidá d'Uviéu y la Fundación Pequenu deséu xunieron les sos fuerces para faelo posible. Dambes instituciones recrearon un campamentu nel planetariu de la Escuela Cimera de Marina Civil por que Martina pudiera cumplir esta pasada  fin de selmana'l so deséu de dormir so les estrelles.

 

Robeca Zrezal, directora d'Área de Cooperación, Tercer Sector y Responsabilidá Social de la Universidá d'Uviéu, señala que, cuando la Fundación Pequenu Deséu contactó cola Universidá para cumplir el suañu de Martina, poner en marcha tou les midíes necesaries para faelo posible. "Creemos que ye necesariu n'una institución como la Universidá promover esti tipu d'acciones aparentemente pequenes, pero tan pervalibles socialmente", señala.

 

La Fundación Pequenu Deséu, cola que collaboró la universidá asturiana nesta acción, ye una organización ensin ánimu d'arriquecimientu, d'ámbitu nacional, que nació nel añu 2000 para faer realidá los deseos de neños y neñes con enfermedaes cróniques o de mal pronósticu col fin de sofita-yos anímicamente mientres el so tratamientu y faer más llevadera la so enfermedá. 

 

La fundación señala que recibieron el pidimientu de Martina dende l'Hospital Universitariu Central d'Asturies col que caltien un conveniu de collaboración. Solo mientres lo que va d'añu, la institución pudo cumplir yá col deséu d'una ventena de neños y neñes n'Asturies.

 

La Universidá d'Uviéu, al traviés d'Escuela Cimera de Marina Civil, y el so director, Rubén González, y la Fundación Pequenu Deséu, espliquen que cumplir col suañu d'esta pequeña foi posible gracies a la collaboración d'instituciones, empreses y persones que de manera totalmente desinteresada sofitaron la iniciativa. Asina, foi posible recrear nel planetariu de la Escuela Cimera de Marina Civil, nel Campus de Xixón, una acampada al campu para poder contemplar les estrelles. Instalóse una tienda, el verde, una foguera, un xingadoriu, una lletra xigante cola inicial de Martina, llevóse a cabu una pequena obra de teatru… tou por que esta neña pudiera cumplir esta  fin de selmana'l so pequenu deséu.