La Universidá d'Uviéu publicó güei la primer llista d'almitíos en graos con llende de places. Los estudiantes almitíos tendrán de formalizar agora la so matrícula del 15 al 26 de xunetu. La universidá recuerda que quien nun formalice la matrícula va dexar la plaza llibre colo que va correr la llista d'axudicaciones. El periodu de reclamaciones tamién va tar abiertu dende'l 15 al 26 de xunetu. El 29 de xunetu publicará la segunda llista d'almitíos y el 2 de setiembre, la tercer axudicación de places.

 

Les notes de corte d'esta primer axudicación son provisionales, yá que, a midida que queden places llibres, dirán cubriéndose con alumnos en llista d'espera. Nesta primer fase, los estudios de grau con nota d'accesu más alta son: Doble Grau en Matemátiques y Física (13,510 Opción A y 13,475 Opción B), Biotecnoloxía (13,400), Medicina (13,358), Matemátiques (13,258), Odontoloxía (13,163) y Enfermería Uviéu (13,011).