La Cátedra de Cine de la Universidá d'Uviéu empecipia esti branu la so andadura con dos actividaes sobro la relación del séptimu arte cola música y la lliteratura. La cátedra, frutu de la collaboración ente la universidá asturiana y el Conceyu d'Avilés, presentó esta mañana'l so programa d'actividaes pal branu y seronda del 2021. Participaron na presentación Carmen Adams, vicerrectora d'Estensión Universitaria y Proyección Cultural, la concejala de Cultura del Conceyu d'Avilés, Yolanda Alonso; Dolores Palacios, directora del Centru de Servicios Universitarios d'Avilés, y Madalena Cueto y José Ángel Lázaro, directora y subdireutor de la cátedra, respectivamente.

 

El programa branizu d'actividaes empieza esta selmana, ente'l 19 y el 23 de xunetu, con un cursu de branu que va aldericar sobro Cineastes y músicos. Les afinidaes electives. Esti cursu va ser impartíu por Fernando Carmena Barrachina, del European FilmPhilarmonic Institute de Berlín. La programación va siguir a finales de mes con una conferencia alderica sobro Conversaciones sobro lliteratura y cine na que van participar el periodista y escritor Juan José Millás y la directora y subdireutor de la cátedra, Madalena Cueto y José Ángel Lázaro.

 

Yá pa la seronda, programóse un cursu sobro Crítica cinematográfica, que tien por oxetivu construyir un marcu cultural, partiendo del cine, escontra'l restu de les artes y escontra la sociedá nel so conxuntu. La cátedra va desenvolver tamién un Cursu de guion, en collaboración cola ESAD, un seminariu de creación fílmica y actividaes rellacionaes colos festivales de cine d'Asturies: el Festival Internacional de Cine de Xixón y l'Avilés Acción Film Festival.

 

La Cátedra de Cine de la Universidá d'Uviéu naz col fin de fomentar la investigación fílmica, buscando ser xuna referencia nos estudios y la creación cinematográfica. Surde d'un conveniu suscritu ente la Universidá d'Uviéu y el Conceyu d'Avilés pa faer de la ciudá xuna referencia nesti ámbitu.

 

La cátedra ta amestada al Vicerrectorado d'Estensión Universitaria y Proyección Cultural y empobinada pola catedrática de la Universidá d'Uviéu Madalena Cueto. El subdireutor ye'l profesor de Comunicación Audiovisual na Universidá Carlos III Jose Ángel Lázaro.  Con esta iniciativa, créase xuna rede d'intercambios de conocencia y procesos d'investigación tamién col fin d'ufiertar formación nos distintos ámbitos rellacionaos col cine.