La Universidá d'Uviéu arrexuntó n'una publicación dixital dalgunes de les investigaciones destacaes del pasáu añu y que fueron portada de la web corporativa en 2020. En Portaes de la Ciencia, pueden vese dalgunos de los afayos científicos más relevantes, según publicaciones en revistes d'altu impactu, proyectos interuniversitarios nacionales ya internacionales, contratos con empreses ya inclusive trabayos que tienen el so orixe en tesis doctorales de mozos investigadores de la Universidá d'Uviéu.

 

La publicación ye solo una amuesa simbólica de la producción científica universitaria en toles cañes de la conocencia. Amás d'un curtiu resume del proyectu, puede aportase a la noticia completa publicada na web, según a les imaxes y, n'ocasiones, vídeos onde el investigadores espliquen de volao el proyectu.

 

El portal dixital de la Universidá d'Uviéu ye unu de les principales canales para impulsar l'espardimientu científicu de la institución académica, al traviés de la ellaboración de noticies y conteníos audiovisuales. Amás de la publicación na web y redes sociales, les informaciones que formen parte de les Portaes de la Ciencia rexistren gran impactu en medios de comunicación, rexonales, nacionales ya internacionales.

 

Portaes de la Ciencia forma parte de les acciones que consiguieron financiamientu de la Fundación para la Ciencia y Tecnoloxía (FECYT) del Ministeriu d'Economía y Competitividá, dientro de los proyectos presentaos por Unidá de Cultura Científica y de la Innovación (UCC+i) de la Universidá d'Uviéu.