Una investigación con participación de la Universidá d'Uviéu, liderada por Antonio Martínez Sánchez, dexó per primer vegada visualizar de forma directa la esistencia de nano-columnes en sinapsis neuronales, les conexones que s'establecen ente les célules responsables de dotar d'intelixencia y pensamientu al celebru. Ye, precisamente, neses conexones ónde se produz la tresferencia d'información, d'ende que el investigadores crean que na so estructura ye onde subyace el secretu que dexaría entender los procesos d'aprendizaxe y memoria de forma detallada. Les resultancies llograes tamién sofiten la hipótesis de que les nano-columnes controlen de manera precisa les funciones realizaes poles sinapsis.

 

Nesti estudiu utilizóse xuna técnica llamada crio-tomografía electrónica pa la reconstrucción d'imaxes tridimensionales de sinapsis completes nel so estáu nativu, esta técnica supon un pasu escontra alantre nes capacidaes de la crio-microscopía electrónica, meyora tecnolóxica galardonáu col Premiu Nobel de Química en 2017 qu'apocayá dexó resolver la estructura de la proteína que confier al virus de la Covid-19 la so gran capacidá infeiciosa. Les amueses, antes de dir al microsocopio, conxelar de manera instantánea (vitrificación). D'esta forma consíguese caltener de manera intacta la so estructura a nivel molecular y llograr imaxes 3D (tomogramas) de secciones celulares en llugar de simples proteínes aisllaes, lo que dexó estudiar la sinapsis completa a escala nanométrica (un nanómetro ye un millón de vegaes más pequenu qu'un milímetru).

 

A eses imaxes aplicáronse-yos técniques computacionales avanzaes (machine learning) pa la so reconstrucción tridimensional, eliminación de ruiu ya identificación de les distintes estructures que formen la sinapsis. Per primer vegada púdose determinar la estructura tridimensional de neurorreceptores in situ interaccionando col restu d'estructures de la sinapsis. Dada la so complexidá, riquióse la implementación de métodos d'analises estádistico específicos pa ufiertar una descripción cuantitativa de la so organización. 

 

L'afayu y los métodos computacionales desenvueltos fueron publicaos na revista Science Advances, nun artículu encabezáu pol profesor del Departamentu d'Informática de la Universidá d'Uviéu, Antonio Martínez Sánchez, adscritu como investigador nel Institutu de Salú del Principáu d'Asturies (ISPA), en collaboración con un grupu d'investigación del Institutu Max Planck de Bioquímica en Múnich (Alemaña).