La Universidá d'Uviéu y el Comité Español de Representantes de Persones con Discapacidá (CERMI) roblaron un conveniu para la realización de la investigación "Historia del movimientu social de la discapacidá n'España".

 

La duración del alcuerdu ye de dos años y para el so desenvolvimientu utilizarán fontes archivístiques, hemerográficas, bibliográfiques y orales. La investigación, que'l so responsable ye'l profesor d'Hestoria Contemporanea de la Universidá d'Uviéu Luis Benito García Álvarez, va siguir el métodu estandarizado nel campu: atroxu de materies, analises y redacción del estudiu.

 

Con esta investigación historiográfica, preténdese documentar la hestoria del movimientu social de les persones con discapacidá n'España dende los sos oríxenes, el so desenvolvimientu na últimes dómines del nuesu país y la contribución d'esta parte de la sociedá civil entamada a la inclusión, derechos y bienestar del grupu de población de la discapacidá.  

 

El CERMI ye la plataforma d'alcuentru y acción política de les persones con discapacidá, constituyíu poles principales organizaciones estatales de persones con discapacidá, delles entidaes xuntaes d'acción sectorial y 19, tantes como territorios posibles, plataformes autonómiques, toles cualos arrexunten de la mesma a más de 8.000 asociaciones y entidaes, que representen nel so conxuntu a los 3.8 millones de persones con discapacidá qu'hai n'España, un 10% de la población total.