El Conseyu de Gobiernu de la Universidá d'Uviéu aprobó esta mañana les comisiones de selección de 37 places de caderalgu o caderalga d'Universidá per promoción interna, amás de les de 38 places de profesoráu titular d'Universidá y 20 places de profesoráu contratáu doctor per vez llibre, too ello con cargu a la Ufierta Pública d'Empléu pal Personal Docente ya Investigador de la institución académica del añu 2019, qu'algama prácticamente'l centenar de places.

 

Coles mesmes, l'órganu universitariu aprobó la propuesta de comisiones de selección d'una plaza de personal docente ya investigador contratáu llaboral na figura de personal contratáu doctor interín, y otres trés places de la mesma categoría n'árees nes qu'esiste personal investigador que remató'l programa Ramón y Cajal y dispón e la oportuna acreditación I3.

 

Finalmente, aprobóse la propuesta de la comision de selección d'una plaza de profesoráu ayudante doctor.

 

Con esta convocatoria algamen les 410 places de personal docente ya investigador convocaes dende 2016, tando solicitada una OEP de PDI de 110 places pal añu 2020. Nel casu de la PAS, el númberu de places incluyíes nes Ufiertes d'Empléu Públicu ente los años 2016 y 2020 xube a 280, de les que'l Principáu autorizó 153. En xunto, el númberu de places de personal d'alministración y servicios convocaes nesi periodu polos distintos sistemes de selección alzóse a les 486.