El vicerrector d'Estensión Universitaria y Proyección Internacional, Francisco José Borge, inauguró l'amuesa "El papel del papel. Elías García Benavides", que puede visitase na Sala d'esposiciones del Edificiu Históricu hasta'l 22 de payares. Francisco Borge refirióse a García Benavides como "xuno de los artistes yá consagraos nel panorama nacional, con una amplia y reconocida trayectoria", y esplicó que nesta amuesa, "como ye la so costume, recueye años d'esperimentación cromática para ufiertar, sobro papel, auténtiques obres cargaes d'emoción y evocadores de les sos propies esperiencies vitales y artístiques".

 

Pa Yayoi Kawamura, profesora d'Hestoria del Arte y Musicoloxía de la Universidá d'Uviéu, García Benavides "ye capaz de sosprendenos con grandes cuadros, d'estilu que na crítica artística suelen llamar espresionismu astractu llíricu, como asocedió n'ochobre de 2019 nel Muséu Evaristo Valle, anque les sos obres nun son astractes del tou, una y bones el puntu de partida de Elías ye siempres les sensaciones visuales reales, base del pesu específicu del so llinguaxe artísticu".

 

Amás del artista, na inauguración de l'amuesa tamién participó Santiago Martínez, profesor de la Escuela d'Arte d'Uviéu.