La Comisión de la Sectorial Crue-Sostenibilidá, y la Comisión Crue Axenda 2030, dambes presidíes pol rector de la Universidá d'Uviéu, Santiago García Granda, caltuvieron esta tarde una xunta telemática con Foína Cruells, directora de Gabinete del ministru de Universidad Manuel Castells. Nesti alcuentru'l Rector esplicó la dinámica de trabayu de Crue pa l'Axenda 2030 y les actividaes y les acciones que se tán llevando a cabu en materia de sostenibilidá.

Na xunta tamién tuvieron presentes la vicerrecctora d'Acción Tresversal y Cooperación cola Empresa de la Universidá d'Uviéu y secretaria executiva de la Comisión Sectorial Crue Sostenibilidá, Eugenia Suárez Serrano; la secretaria técnica de la Comisión Sectorial Crue Sostenibilidá y gerenta del Cluster de Medioambiente y Enerxía de la institución académica asturiana, Liv Brant; Sara Revilla, técnica de la Área Misiones Universidad de Crue; y Joaquín Balaguer y Ernest Marco, asesores del Ministru.