L'Aula Magna del Edificiu Históricu foi escenariu d'un alderique sobre'l tema "Deprendizaxes de la crisis sociosanitaria, retos na formación de futuros profesionales". L'actu tuvo presidíu pol rector, Santiago García Granda, que na presentación tuvo acompañáu por Antonio Corripio, presidente d'DESSPA y miembru del comité organizador del Congresu Norbienestar; y Pablo Lozano, director comercial de Red Sabadell Herrero. La introducción al alderique, y les posteriores conclusiones, tuvieron al cargu de Luis Alberto Barriga, director xeneral del Institutu de Mayores y Servicios Sociales (IMSERSO).

Nel alderique intervinieron el rector García Granda; el decanu de la Facultá d'Enfermería de Xixón, Fernando Alonso; el vicedecanu de Llogopedia de la Facultá de Psicoloxía, Luis Castejón; la coordinadora del grau de Terapia Ocupacional de la Facultá Padre Ossó, Estíbaliz Jimenez Arberas; el coordinador del Área de Trabayu Social de la Facultá de Comerciu, Turismu y Ciencies Sociales "Xovellanos", José Pablo Calleja. El moderador foi Carlos Prieto, xefe d'Edición d'El Comercio. Esti alderique, entamáu pola Facultá Padre Ossó, desenvolvióse como antoxana al Congresu Norbienestar.