L'equipu "Ingenia" de la Universidá d'Uviéu, formáu polos estudiantes Alejandro Vallina y Javier de La Llana, estudiantes del Máster n'Inxeniería Industrial na Escuela Politécnica d'Inxeniería de Xixón, consiguió'l tercer puestu na Final Nacional del Global Management Challenge (GMC) 2020, nel que participaron unos 600 equipos de tol territoriu nacional. 

 

Na entrega de premios, celebrada anguaño de manera telemática, los estudiantes tuvieron acompañaos por Inés Suárez Ramón, subdirectora d'Estudiantes y Rellaciones cola Empresa de la EPI Xixón. Nel actu tamién intervinieron Inmaculada Riera, directora xeneral de la Cámara d'España; Antonio Abril, presidente de la Confederación de Conseyos Sociales de les Universidaes Españoles; Joao Matoso, director xeneral Internacional de GMC; y Teresa Riesgo, secretaria xeneral d'Innovación del Gobiernu d'España.

 

El GMC España ye un programa de desenvolvimientu de talentos pa l'Área d'estratexa y xestión. Asemeya la realidá del Conseyu d'Alministración d'una empresa na so desafiante xestión diaria. Pal ésitu d'esta misión son necesarios dellos ingredientes, seyan ellos técnicos, de comportamientu o sociales.

 

Precisamente yá tán abiertes les inscripciones pal simulador empresarial Global Management Challenge na so edición 2020-2021, que va ser la 41ª d'esta competición que s'esplega a nivel mundial. El plazu d'inscripción remata'l 10 de payares.