El proyectu PROMETEUS, centráu nel diseñu de gafes de surf para persones con miopía o déficit visual, llogró'l primer premiu del IV Concursu Universitariu de Talentu y Emprendimientiu, CHAMP-U, de la Universidá d'Uviéu. L'equipu formáu por Sergio Leirado Arbesú, alumnu del Doctoráu n'Enerxía y Control de Procesu; Tatiana Beatriz Lorenzo Molina, del Máster Universitariu en ADE; Ana Escobar Llamazares, del Grau n'Inxeniería Informática del Software; y Ángel Cerrato Pascual, Pelayo González Álvarez-Silvosa y Olái Leal Vázquez, del Doble Grau n'Alministración y Dirección d'Empreses y Drechu- propón trés modelos: gafes fotocromátiques, gafes fotocromátiques graduaes y otres capaces d'apurrir información pa rexistrar y monitoriar los entrenamientos sofitaes na intelixencia artificial y el Big Data.

 

El segundu premiu recayó nel proyectu ECOTAURO, centráu na prestación de servicios de lloxística basaes nel tresporte de mercancíes per carretera con enerxía d'hidróxenu. L'equipu formáu por Alfredo Martínez Hernández, estudiante del Grau en Inxeniería Lletrónica Industrial y Automática; Elena Alcoba Fernández, del Grau en Biotecnoloxía; y Aejandro Arteaga García, Pablo Catañón Aguilar-Galindo, Sandra Rodríguez Fernández y Celia Lejarza Portilla, del Doble Grau n'Alministración y Dirección d'Empreses y Drechu- enceta la idea dende una perspectiva de serviciu integral de tresporte qu'inclúi servicios de caltenimientu o hidroxeneres.

 

El tercer premiu foi pa SPORTY APP- deporte social, una aplicación desenvuelta por Deva Menéndez Teleña, alumna del Programa de Doctoráu n'Inxeniería Náutica, Marina y Radiolletrónica Naval; Lucía Belén del Amo Corbata, del Máster Universitariu en Psicoloxía Xeneral Sanitaria; Óscar García Luengo, del Grau n'Inxeniería Mecánica; Iria Prieto Araújo, del Grau en Psicoloxía; Marta Duratte García de Celis, del Doble Grau n'Alministración y Dirección d'Empreses y Drechu; y les alumnes del Grau n'Hestoria del Arte Jessica Díaz Fernández y Noemí Díaz Rodríguez. L'oxetivu d'esta aplicación ye poner en contacto a persones que s'atopen soles y nun tienen la motivación necesaria para empecipiar la práctica d'un deporte albentestate.

 

Estos trés equipos van visitar les instalaciones de ThyssenKrupp en Xixón y van tener acutaes places nos distintos programes de emprendimientu de la Universidá y del Clinic por cortesía d'Asturies Emprend. Coles mesmes, los dos primeros equipos van cuntar con financiamientu del Gobiernu del Principáu pa visitar dellos centros d'anovación de Galicia y Porto.

 

Pela so parte, el Premiu Individual Esperiencia Richi Entrepreneur, que cunta cola collaboración principal de la Fundación Banco Sabadell, nesta edición foi para Alfredo Martínez Fernández, del grupu ECOTAURO. El xuráu valoró, ente otros aspeutos, la so creatividá y calter innovador, la so capacidá de lideralgu, el so comportamientu perceptivu y el so compromisu col medioambiente. El ganador va esfrutar d'una estancia nel MIT de Boston prevista pa 2021.