El rector de la Universidá d'Uviéu, Santiago García Granda, y el presidente de Caja Rural de Asturias, Fernando Martínez Rodríguez, roblaron esta mañana'l conveniu pol que se constitúi la Cátedra Caja Rural de Desendolcu Económicu, Social y Territorial. Esta ye la cuarta de les seis cátedres que tien previstes la Facultá d'Economía y Empresa pa sofitar el financiamientu del so procesu d'acreitación internacional énte l'Association to Advance Collegiate Schools of Business (AACBS).

 

Amás de les actividaes empobinaes a la medría, afitamientu y acreitación de la calidá, el conveniu establez otros ámbitos d'actuación, como les actividaes de formación y empleabilidá, con trés llinies de trabayu distintos: el desenvolvimientu conxuntu de proyectos d'anovación docente o d'investigación; la collaboración na meyora de la empleabilidá del estudiantáu; y el financiamientu d'espublizaciones sobre temes d'interés. Otramiente, el conveniu recueye actividaes de tresferencia, divulgación y tresferencia de la conocencia.

 

Na firma del conveniu, que tien una vixencia de dos años y una dotación presupuestaria añal de 5.000 euros, tuvieron presentes la decana de la Facultá d'Economía y Empresa, Carmen Benavides, y la directora de la cátedra, Margarita Argüelles Vélez, profesora de l'Área d'Estructura Económica de la Universidá d'Uviéu y vicedecana d'Ordenación Académica de la Facultá.