El rector, Santiago García Granda, recibió la visita del embaxador de Xapón, Keiji Hiramatsu, acompañáu del vicerrector d'Estensión Universitaria y Proyección Internacional, Francisco José Borge. Tamién tuvieron presentes la esposa del embaxador, Patricia Hiramatsu (de familia asturiana), y Yayoi Kawamura, profesora del Departamentu d'Hestoria del Arte de la Universidá d'Uviéu.

 

L'oxetivu de la Universidá y de la Embaxada ye da-yos puxu a los llazos esistentes, que na actualidá concrétense en dellos convenios con universidaes xaponeses, amás d'abrir nueves víes de collaboración, tantu no referente a los alcuerdos con universidaes como nel ámbitu de la Estensión Universitaria.

 

Nesti sentíu, la institución académica y el país nipón van collaborar, cuando la situación rellacionada col coronavirus dexe faceo, nes xornaes d'arte y cultura de Xapón, que taben previstes pal pasáu mes de marzu y tuvieron que ser aplazaes.

 

Na entrevista tamién se punxo de manifiestu l'interés n'estrechar los venceyos d'investigación con empreses xaponeses.