El vicerrector d'Investigación de la Universidá d'Uviéu, José Ramón Gruesu Suárez, y el coordinador de la Plataforma d'Innovación en Tecnoloxíes Médiques y Sanitaries (ITEMAS), Galu Peralta Fernández, roblaron un conveniu con cuenta de dambes entidaes puedan collaborar na xeneración d'idees qu'ameyoren l'actividá médica y contribuyan al bienestar de la sociedá. Les entidaes que formen parte de ITEMAS desenvuelven una intensu llabor n'investigación con cuenta de les sos propuestes puedan llegar al mercáu. Nesti sentíu, la Universidá d'Uviéu -al traviés del Clúster de Biomedicina y Salú- va compartir la so conocencia y esperiencia apostando por establecer sinergias col fin de realizar conjuntamente proyectos d'investigación ya innovación nel sector salú, amás de participar en consorcios para optar a convocatories de financiamientu.

 

La Plataforma ITEMAS ta integrada por 118 empreses y organizaciones que collaboren n'I+D, ente elles trés universidaes, tres la firma del conveniu cola Universidá d'Uviéu. Los centros non sanitarios de ITEMAS participen nel desenvolvimientu d'I+D+I y ufierten los sos servicios a los miembros de la plataforma. Coles mesmes, ITEMAS cuenta con 78 hospitales, centros sanitarios y fundaciones nel territoriu nacional, amás de 500 profesionales n'innovación y 200 proyectos d'innovación activos.