Un proyectu de la Universidá d'Uviéu y l'Universidá Politécnica de Madrid, tituláu "Trestornos d'usu tecnolóxicu, salú y ciberseguridad: la evolución de l'adicción al smartphone, el bienestar psicosocial y la cibervictimización de los usuarios españoles mientres trés años'", foi escoyíu pola Fundación BBVA para recibir una de les 25 ayudes a investigaciones de vanguardia. La iniciativa universitaria, que'l so investigador principal ye Juan Herrero Olaizola, catedráticu de Psicoloxía Social de la Universidá d'Uviéu, busca afondar nes consecuencies de l'adicción al smartphone de les y los usuarios españoles mientres un períodu de trés años. A lo llargo d'esti tiempu, va evaluar hasta qué puntu la escesiva dependencia del teléfonu intelixente puede afectar al nuesu bienestar psicosocial, xenerando, amás, otros efectos colaterales, como faenos más vulnerables a sufrir un ataque na Rede (robu de los nuesos datos, suplantación de la nuesa identidá o ser víctimes d'una estafa, por casu). L'oxetivu ye que la unión de técniques de la inxeniería y de la psicoloxía dexe xenerar sinergias para apurrir soluciones a estos desafíos.

 

La rápida espansión de los smartphones tresformó la nuesa forma de comunicanos, rellacionanos y trabayar. Les y los espertos identificaron l'adicción a estos dispositivos como un importante problema acomuñáu al usu estensivu d'una tecnoloxía que, tando específicamente diseñada para ameyorar la conectividad, tien l'efectu paradóxicu de causar aislamientu y deteriorar el bienestar psicolóxico.

 

Les ayudes d'esta convocatoria de la Fundación BBVA recibieron 618 solicitúes, entendíes en cinco árees: Biomedicina, Ecoloxía y Bioloxía de la Conversación, Economía y Sociedá Dixital, Big Data y Humanidaes Dixitales.