La Universidá d'Uviéu y el Vetusta Triatlón roblaron el pasáu vienres un conveniu pa crear un programa de fomentu de la práctica deportiva del triatlón y el duatlón ente l'estudiantáu. Per mediu d'esti alcuerdu, les y los estudiantes de la institución que quieran practicar dichos deportes van cuntar con distintes ventayes pa incorporase al club Vetusta-Universidá d'Uviéu Triatlón. La firma del conveniu tuvo llugar nel Rectoráu y tuvo a cargu del rector, Santiago García Granda, y del presidente del Vetusta, David González Alonso, acompañaos del director d'Área de Deportes de la institución académica, Pedro Gorría.