La presentación del Muséu Prerrománicu de San Martín de Salas a los medios de comunicación tuvo llugar ayeri martes, na Sala de mapes de la Fundación Valdés-Salas, nel Palaciu Valdés Salas. El nuevu muséu ta asitiáu na antigua capiya del Palaciu Valdés Sales que se abrir a la Plaza del Conceyu. Esti proyectu ye una iniciativa de la Universidá d'Uviéu y la Fundación Valdés Salas, y pal so desenvolvimientu cuntó col sofitu económicu de la Fundación Cajastur-Liberbank y la collaboración del Conceyu de Salas y el Principáu d'Asturies. Na rueda de prensa intervinieron Sergio Hidalgo, alcalde en funciones de Salas; Otilia Requejo, directora de Patrimoniu en funciones del Principáu d'Asturies; María Álvarez, directora d'Área d'Estensión Universitaria de la Universidá d'Uviéu; Joaquín Lorences, director de l'Aula Valdés Salas y vicepresidente de la Fundación Valdés Salas; Felipe Fernández (Fundación Cajastur-Liberbank); y Lorenzo Arias, director científicu del Muséu de San Martín.