Crue Universidaes Españoles considera que les diferencies que pueda haber nes resultancies de la EvAU nun s'espliquen pola mayor o menor dificultá de les evaluaciones (que convien recordar, suponen solo'l 40% de la nota d'accesu a la Universidá), sinón por otru tipu de condicionantes socioeconómicos. Eses diferencies son les que Crue Universidaes Españoles, n'ares d'una continua meyora del procesu d'accesu a la Universidá, quier estudiar en fondura para treslladar al Gobiernu que correspuenda una propuesta qu'ameyore, entá ye más, la igualdá d'oportunidaes que yá esiste. Dende Crue Universidaes Españoles gustaríanos estenar cualquier incertidume que, como ye habitual nestes feches, pueda habese xeneráu ente los estudiantes y les sos families. Consideramos que la EvAU ye xuna prueba d'accesu a la universidá que funciona bien y que, por esi motivu, cualquier intentu de camudala tendría de faese dende'l más ampliu consensu educativu y tres un rigorosu analís de la realidá. Cada comunidá autónoma decide, dientro d'unos marxes bien tasaos, qué exame concretu pon. Pero nun hai nengún informe académicu que sostenga con datos oldeaos qu'hai pruebes más fáciles qu'otres.