"Estes Xornaes enceten una tema d'interés social, políticu, reivindicativu y, poques gracies, académicu por cuanto la Universidá puede y tien d'apurrir lluz énte los alderiques que se xeneren n'otres instituciones y nel conxuntu de la sociedá. Amás, la xestación por sustitución constitúi una tema de gran relevancia na axenda feminista y l'Universidá tien que participar nél", afirmó'l Rector na inauguración de les Xornaes de Derechu qu'enceten la tema "La muyer suxetu o oxetu de derechos reproductivos: derechos de los menores y xestación per sustitución" y que se desenvuelven los díes 7 y 8 de payares na Aula Magna de la Facultá de Derechu.

 

Santiago García Granda presidió l'actu d'inauguración de les Xornaes, nel qu'intervieno la vicedecana de la Facultá, Dolores Palaciu, y la directora del seminariu, Isabel Núñez, y que s'encuadren nel marcu de les actividaes programaes con ocasión del IV Seminariu Internacional del Grupu Deméter de la institución académica.

 

El Rector dio les gracies en nome de la Universidá a les instituciones y entidaes que contribuyeron a celebrar l'eventu y dixo que "son un exemplu claru de cómo dar cumplimientu a los fines que tien la nuesa Universidá y recoyíos nos sos Estatutos. De manera concreta con esta actividá damos respuesta al primera y últimu fin que tenemos como Institución al serviciu de la sociedá: la creación, desenvolvimientu, tresmisión y crítica de la ciencia, la técnica y la cultura, y la defensa y potenciación del diálogu pacíficu y del respetu mutuu".