La Universidá d'Uviéu ufierta a tola comunidá universitaria (alumnos, PDI y PAS) la posibilidá de formar parte de la so Coru. Les pruebes d'accesu, que rematen el 19 d'ochobre, tienen llugar los llunes y xueves de 20 a 21 hores nel Paraninfu del Edificiu Históricu (C/ San Francisco, 1).

 

El Coru de la Universidá d'Uviéu actúa n'actos solemnes y celebraciones académiques, ufierta conciertos en distintes localidaes asturianes y collabora con otres agrupaciones musicales para promocionar la cultura musical dientro del ámbitu universitariu y na sociedá polo xeneral.

 

Anque para formar parte del Coru nun ye imprescindible saber música nin tener una bona voz, les persones comenenciudes en formar parte de l'agrupación tienen de pasar dos pruebes. Na primera d'elles los aspirantes tienen de demostrar un bon oyíu musical y una voz apta para'l cantar. Superada la primer prueba los participantes van enfrentar a la segunda, na que tienen d'aprender ya interpretar delles de les partitures que formen parte del repertoriu del Coru.

 

El personal comenenciudo en participar en diches pruebes tien d'unviar los sos datos de contactu (nome, apellíos, corréu electrónicu) y xustificar que forma parte de la comunidá universitaria (PAS, PDI, estudiante, etc.) a dirextensionuniovi.es.

 

Por que tolos comenenciudos y comenenciudes puedan encarar el costu de la matrícula del Coru, la Universidá d'Uviéu convoca añalmente ayudes específiques. Amás, la participación nel mesmu puede convalidase por 3 creitos ECTS.