Dos equipos compuestos por estudiantes de la Escuela Politécnica de Mieres compitieron na fase final del EDPR University Challenge 2017, a la que llegaron 15 proyectos d'ente los más de 100 presentaos. De los 15 finalistes, la institución académica asturiana foi la única que tuvo doblemente representada. Anque los conxuntos asturianos nun resultaron premiaos, espertaron l'interés del auditoriu colos sos respectivos proyectos.

 

En concretu, tratóse de la propuesta "Aprovechamientu enerxéticu de les agües negres del Conceyu de Tinéu", d'Alberto Rodríguez y Sergio Montes, so la dirección de la profesora Susana Lage; y de "Electrolinera flotante pa embarcaciones por aciu módulos d'enerxía anovable", d'Hugo Blanco, Carlos Costales, Marina Díaz, Noel Rodríguez y Ricardo Uche, dirixíos pol profesor Mario López.

 

A la fase final, apostada en Madrid, asistieron la vicerrectora d'Acción Tresversal y Cooperación cola Empresa, Eugenia Suárez Serrano, la directora de la Escuela Politécnica de Mieres, Asunción Cámara, y el director d'Área de Cooperación cola Empresa y Empleabilidá, Enrique Covián Regales.