El rector de la Universidá d'Uviéu, Santiago García Granda, asistió ayeri xueves al actu inaugural del cursu académicu 2017-2018 de la Universidá de Cantabria, celebráu nel Paraninfu d'esta institución, so la presidencia del so rector, Ángel Palacios, y cola presencia amás del presidente de la comunidá autónoma, Miguel Ángel Revilla.

 

La llección maxistral tuvo a cargu del doctor Rafael Matesanz, quien realizó una argumentada defensa de la Organización Nacional de Tresplantes (ONT), de la que foi fundador y director, llabor que-y foi reconocida en 2010 col Premiu Príncipe d'Asturies de Cooperación Internacional.