El pasáu mes de xunetu la Universidá d'Uviéu anunciaba los primeros presupuestos participativos de la institución, con cuenta de toes y tolos que formen parte de la institución puedan exercer el so derechu a participar nel diseñu, decisión, execución y siguimientu de les polítiques que se realicen. Cualquier miembru de la comunidá universitaria mayor d'edá puede realizar propuestes d'inversión o gastu corriente. Para l'añu 2018 van destinase 60.000 euros para sufragar les propuestes que sían escoyíes.

 

El plazu para presentar les propuestes al traviés d'esta ferramienta de democracia participativa, directa y deliberativa cola que la comunidá universitaria decide llibremente y de manera directa en qué emplegar una parte del presupuestu de la Universidá d'Uviéu va tar abiertu hasta'l próximu 21 de setiembre.

 

Diches suxerencies podrán presentase telemáticamente al traviés d'un formulariu al que s'apuerta nel enllaz que s'indica de siguío.