La Universidá d'Uviéu celebró esti mediudía, na Biblioteca del Edificiu Históricu, l'actu d'apertura del cursu académicu 2017-2018, presidíu pol rector, Santiago García Granda, quien nel so discursu sorrayó que "la investigación y l'innovación son fundamentales para'l desenvolvimientu social y económico d'un país, porque la xeneración de la conocencia provoca riqueza y bienestar". El Rector señaló que "los presupuestos destinaos a la ciencia y l'educación tienen una amplia rentabilidá nel desenvolvimientu económicu empresarial, nel nivel de vida de la sociedá y nel bienestar ciudadano", d'ende que nun tenga de falar se de "gastu", sinón de "inversión".

 

El Rector esplicó amás que la Universidá "caltuvo, de forma habitual y continua, los contactos col nuesu Gobiernu para llograr concretar un nuevu Plan de Financiamientu de la Universidá 2018-2022, que la so negociación confiamos en cerrar de forma inminente y que va recoyer un modestu plan de financiamientu por oxetivos, xuntu con un sofitu a les infraestructures universitaries y un plan de meyora y afitamientu del financiamientu ordinariu". García Granda señaló qu'esti plan ta alliniáu col plan estratéxicu 2018-2022, ellaboráu pol equipu de gobiernu de la Universidá y que mañana va tar a disposición de la Comunidá Universitaria, con cuenta de pueda valoralo y faer propuestes de meyora. "Dambos planes tienen de coordinase ya integrase nel nuevu Plan de Ciencia Tecnoloxía ya Innovación del Principáu d'Asturies (PCTI) 2018-2022, onde esperamos que la Universidá d'Uviéu xuegue'l papel clave que-y correspuende como parte central de la Estratexa I+D+i del Principáu", afirmó.

 

El solemne actu d'apertura de cursu cuntó cola presencia de 140 profesores revistíos. Nel intre de la ceremonia, tuvo llugar la llectura de la Memoria del cursu 2016-2017, al cargu de la secretaria xeneral de la institución académica, Eva María Corderu. De siguío, Amelia Bilbao Terol, catedrática d'Economía Financiera y Contabilidá, pronunció la llección inaugural, titulada ¿Qué ye "lo meyor"?

 

La ceremonia concluyó colos discursos del rector de la Universidá d'Uviéu y del presidente del Principáu d'Asturies, Javier Fernández, quien indicó que "el saber ye un elementu crucial para la llexitimación de les decisiones polítiques y, cuidao que la universidá ye un actor central na producción de saber, d'ende la importancia na acaldía más estrecha relación ente'l saber y el poder. Quiero dicir ente'l saber científico y el poder político".

 

Primeres cifres de matrícula

 

Les clases empiecen mañana miércoles, 13 de setiembre, pa más de 20.500 estudiantes universitarios, con 5.799 matriculaos de nuevu ingresu, según los datos provisionales de matrícula, a falta de que remate'l periodu de matrícula pa estudios con llende d'almisión. Del total de mozos que tornen a les aules, 17.797 cursen estudios de grau, 1.656 cursen un máster universitariu, y 1.129 un programa de doctoráu.