L'actu d'apertura del cursu académicu 2017-2018 va celebrase'l martes 12 de setiembre, a les 12 hores, na Biblioteca del Edificiu Históricu, presidíu pol rector, Santiago García Granda. El programa inclúi la llectura de la memoria del pasáu cursu, per parte de la secretaria xeneral, Eva María Corderu; la llección inaugural, "¿Qué ye "lo meyor"?", que va impartir Amelia Bilbao Terol, catedrática d'Economía Financiera y Contabilidá de la Universidá d'Uviéu, por designación de la Facultá de Comerciu, Turismu y Ciencies Sociales "Xovellanos"; y l'intervención del presidente del Principáu d'Asturies, Javier Fernández. L'empiezu oficial de les clases va tener llugar el 13 de setiembre.

 

Les Xornaes d'Acoyida de la Universidá d'Uviéu, entamaes pelos centros y coordinaes pol Vicerrectorado d'Estudiantes, van celebrar a lo llargo d'esti mes de setiembre nos distintos campus universitarios. El so oxetivu ye informar al alumnáu de los servicios que la Universidá pon a la so disposición, lo mesmo que de los sos derechos y deberes como estudiantes, les sos posibilidaes de participación y les víes d'información y orientación de les que disponen.