La Facultá de Medicina y Ciencies de la Salú de la Universidá d'Uviéu y la familia Junceda decidieron crear el premiu "Dr. Juan Manuel Junceda Avello"  coles mires d'estremar al estudiante del grau de Medicina de la citada facultá col meyor espediente médicu-quirúrxicu del cursu académicu anterior a la concesión.

 

El Premiu, que va tener calter añal, amás d'estremar al alumnu más destacáu na mentada disciplina, quier caltener la memoria y reconocer la figura del doctor Juan Manuel Junceda Avello. L'anunciu de la creación de tal distinción faise coincidiendo col primer aniversariu del so fallecimientu.

 

La distinción va ser apurrida pola Universidá d'Uviéu na festividá de santo Catalina d'Alexandría, Patrona de la institución docente, nel marcu del solemne actu de los Premios de Fin de Carrera.

 

Juan Manuel Junceda Avello nació n'Uviéu en 1924 –ciudá na que finó en 2016 y que lu dedicó una cai– y na so trayectoria profesional destaca la xefatura del serviciu d'Oftalmoloxía del HUCA, según la presidencia del Colexu de Médicos d'Asturies mientres una década. Amás, foi profesor de la Facultá de Medicina de la Universidá d'Uviéu, y foi estremáu en dos causes col Premiu Nacional d'Oftalmoloxía de la Dirección Xeneral de Sanidá.