La Universidá d'Uviéu y Axalta Coating Systems Spain, S. L. roblaron güei un conveniu para la constitución de la Cátedra Axalta, que va favorecer la proyección internacional de la institución académica asturiana. Ente otres actuaciones, l'alcuerdu inclúi la collaboración pa consiguir que la Facultá d'Economía y Empresa llogre la acreditación de los sos títulos de The Association to Advance Collegiate Schools of Business, cola qu'hasta agora solo cunten dos universidaes españoles. La Cátedra va dexar amás la programación y realización d'eventos qu'axunten a profesores de la Universidá d'Uviéu y d'otros países.

 

La Cátedra Axalta de la Universidá va trabayar tamién nel asesoramientu y sofitu pal desenvolvimientu y puesta en marcha de proyectos internacionales, al traviés de programes promovidos pola institución académica, y en particular aquellos que desenvuelva la Facultá d'Economía y Empresa. La Universidá y Axalta van poder participar en proyectos rellacionaos cola formación y l'empleabilidá, la investigación y l'innovación, y la divulgación y tresferencia.

 

L'alcuerdu haber robláu esti mediudía'l rector de la Universidá, Santiago García Granda, y el director de Recursos Humanos de Axalta pa España, Portugal ya Italia, Juan Antonio Rodríguez Martín. Nel actu, celebráu nel Edificiu Históricu, tamién intervinieron el decanu de la Facultá d'Economía y Empresa, Julio Tascón, y el director de Recursos Humanos pa Europa, Oriente Mediu y África, Kolja Hosch.

 

El rector, Santiago García Granda, afirmó que "esti conveniu, qu'asegura dos años de collaboración, va dexar desenvolver proyectos de proyección internacional a partir del capital humanu que producimos na Universidá d'Uviéu, que ye lo meyor que producimos. Dicha proyección ye daqué de lo que nenguna universidá puede prescindir".

 

Pela so parte, Kolja Hosch aseguró que "creemos n'Asturies y creemos que la Universidá d'Uviéu ufierta munches oportunidaes pa los estudiantes y les empreses, y por eso collaboramos gustosos pa consiguir bones resultancies, caminando al pie de la institución académica n'un mesmu camín".