El Ministeriu d'Asuntos Esteriores de Xapón estremó a Yayoi Kawamura, profesora d'Hestoria del Arte de la Universidá d'Uviéu, pola so contribución al desenvolvimientu de los venceyos d'amistá ente Xapón y España. La profesora afirmó que se siente "bien honrada, porque dedico a investigar una relación artística ente dambos países que s'empecipió va cuatro sieglos. Agora l'arte actívase y muévese a nivel internacional, yá nun hai arte nacional estrechu, hai movimientos d'artistes ente España y Xapón, inclusive d'Asturies, como Tadanori Yamaguchi".

 

Unu de les temes d'interés Yayoi Kawamura ye l'arte de laca namban xaponés, que precisamente tien enforma que ver cola relación ente Xapón y España, yá que dichu arte desenvolvióse teniendo como destino la península Ibérica en dómina de Felipe II. "Ye sol so reináu cuando empiecen a llegar los galeones españoles a Xapón y empecípiase el comerciu y les relaciones culturales ente dambos países", señala la investigadora.

 

Yayoi Kawamura, profesora titular del Departamentu d'Hestoria del Arte y Musicoloxía, tamién publicó investigaciones sobro'l patrimoniu artísticu d'Asturies, al que dedicó distintos trabayos académicos. Ello ye que la so tesis doctoral, publicada pol RIDEA, trató sobro l'arte de platería barroca na nuesa rexón.