El rector presidió nel Edificiu Históricu, acompañáu del vicerrector d'Estensión Universitaria y Proyección Internacional, Francisco José Borge y de la subdireutora de la Casa de les Llingües, Taresa Lorences, l'actu de bienvenida a los 161 alumnos que van cursar la primer fase del Cursu d'Español para Estranxeros. Los participantes son estudiantes procedentes de diversos llugares, la mayoría d'universidaes d'Estaos Xuníos y de Habei, China, anque tamién hai un bon númberu de matriculaos procedentes de Noruega, Alemaña, Francia, Xapón y Rusia.

 

Santiago García Granda recordó que l'español ye la segunda llingua materna pol nú-meru de falantes, tres el chinu mandarín, y "tamién la segunda llingua nun cómputu global de falantes, esto ye, la resultante de sumar  el dominiu nativu a aquelles perso-nas con competencia llindada más estudiantes, como vós, d'español".

 

Manifestó que'l porcentaxe de población mundial que fala español como llingua nativa va n'aumentu, "frente a que la proporción de falantes de chinu ya inclusive inglés baxa. Tamos, poro, énte un idioma n'alza, en parte pol porcentaxe d'hispanofalantes qu'hai".

 

El rector aludió a que la Universidá d'Uviéu foi pionera nel apueste poles movi-lidades tantu del profesoráu como d'alumnos porque foi "nel  senu de la nuesa institución, a finales del sieglu XIX cuando se cuayó'l denomináu Grupu d'Uviéu formáu por profesores de que creíen firmemente na rexeneración social al traviés de la enseñanza, y el cual dio llugar a una serie d'iniciatives brilloses que rápido seríen asonsañaes n'otros llugares. De la so mano nació nuesa querida Estensión Universitaria".

 

Animó a los estudiantes a qu'aprovechen esta esperiencia d'aprendizaxe en múltiples aspeutos porque "rescampla que la convivencia qu'empieza a partir de güei va ser bien positiva pa cada unu de vós. Nun me quepe dulda de que va ser de gran utilidá pal vuesu futuru profesional y personal, non solo pelos caminos que vos abrir gracies a la conocencia del español, de que'l so puxanza como idioma falábavos al empiezu d'esta intervención, sinón tamién polo que vais llevar de cada unu de los compañeros del cursu, del profesoráu y de les vivencies que tengáis n'Asturies y nesta universidá que me gustaría que sintierais yá pa siempres como propia".