El IES Galiléu Galilei de Navia gana la fase nacional del concursu 'Incubadora de Sondeos y Esperimentos' na categoría de Bachilleratu y ciclos de Grau Mediu
El premio de Segundo y Tercero de ESO y FP Básica ha recaído en un centro de A Coruña, mientras que un centro de Navarra y otro coruñés se han impuesto ex aequo en Primero y Segundo de ESO
La VII convocatoria de la fase nacional del concursu "Incubadora de Sondeos y Esperimentos", celebrada na Facultá de Formación del Profesoráu y Educación de la Universidá d'Uviéu, concluyó cola victoria del IES Galiléu Galilei de Navia na categoría de Bachilleratu y ciclos formativos de Grau Mediu. L'equipu asturianu tuvo integráu poles alumnes Lucía López, Nuria Pérez y Ángela Pertierra, y l'alumnu Rodrigo Tudanca, Roberto Manín como tutor. Les menciones especiales de dicha categoría recayeron n'Andalucía (IES Almunia de Xerez de la Frontera) y Cantabria (IES Manuel Gutiérrez Aragón de Torrelavega).
No que fai a Segundu y Terceru d'ESO y ciclos formativos de FP Básica, la ganadora foi Galicia (CPI As Revoltas, Cabana de Bergantiños, A Coruña), y hubo menciones p'Aragón (IES Lucas Malladas, Huesca) y Estremadura (IES Alba Plata, Fonte de Cantares, Badayoz). Pela so parte, na categoría de Primeru y Segundu d'ESO, recibieron un premiu ex aequo Navarra (IES Ibaialde de Burllada) y Galicia (CPI d'A Baña, A Coruña), y la mención d'honor foi pa Castiella-La Mancha (Colexu Santu Tomás de Aquino - La Milagrosa, Tomelloso).
El vicerrector d'Organización Académica, Juan José del Coz, que presidió esti mediudía la entrega de galardones, felicitó tantu a los galardonaos como a tolos participantes. "Toes y toos fuistis ganadores pol fechu de llegar hasta equí", afirmó. Coles mesmes, animólos a nun abandonar nunca "l'interés del neñu que tenéis dientro. Cultiváila porque ye la base del vuesu talentu y de la vuesa intelixencia".
El vicerrector tuvo acompañáu pol director del Departamentu d'Estadística ya Investigación Operativa y Didáctica de la Matemática, y presidente del Comité Organizador, Manuel Montenegro Hermida; el vicepresidente d'Estadística de la Sociedá d'Estadística ya Investigación Operativa, Jesús López Fidalgo; y por Juan García, en representación de Liberbank, entidá patrocinadora de los premios.
Nel concursu compitieron más d'un centenar d'estudiantes y profesores d'ESO y Bachilleratu de toa España, ganadores, en dalguna de les categoríes, de la fase autonómica del concursu. Caúnu de los grupos llevó a cabu una esposición pública del so trabayu énte'l xuráu.
Paralelamente a estes xornaes, na Facultá de Formación de Profesoráu y Educación tuvo abierta al públicu la esposición "SUERTES. La Estadística na nuesa vida", col fin d'amosar como l'azar y l'estadística actúen sobro les nueses vides.
Galería d'imaxes
