El restablecimiento de les relaciones diplomátiques ente España y México el 28 de marzu de 1977, tres los años de dictadura, dexó recuperar los venceyos históricos ente dambos países. De magar, México ye unu de los principales socios d'España n'Iberoamérica,  de la qu'España ye un aliáu pa México.  

 

Pa conmemorar esta fecha, la embaxadora impartió n'Uviéu la conferencia "40 año España-México: un realcuentru con futuru", na que fixo referencia a cómo'l so país ye consciente de la importancia de buscar nuevos horizontes. "Tenemos De afondar nes nueses aliances con otres zones del mundu y ente elles, sobremanera, Europa y España", afirmó la embaxadora, que foi recibida pol rector de la Universidá d'Uviéu, Santiago García Granda, acompañáu pol vicerrector d'Estensión Universitaria y Proyección Internacional, Francisco José Borge.

 

L'afitamientu de la democracia española nun fixo otra cosa qu'afitar les sos relaciones con México, que recibió una importante migración española a fines del sieglu XIX y principios del XX, que s'arriqueció culturalmente al acoyer a los exiliados mientres la Guerra Civil, y que caltuvo mientres el gobiernu de Francisco Franco una relación, que magar nun pasaba poles oficines de gobiernu, nun yera por ello menos rica y constante, nutrida d'artistes, intelectuales y empresarios que víen na nación mexicana una tierra por demás allegada y que los recibía colos brazos abiertos.