El rector de la Universidá d'Uviéu, Santiago García Granda, y el conseyeru d'Empléu, Industria y Turismu, Francisco Blanco, roblaron l'allongamientu del alcuerdu de collaboración basáu nun nuevu modelu de financiamientu públicu-priváu que dexa aplicar proyectos d'investigación realizaos pola Universidá nel ámbitu industrial. A esti conveniu xuntóse Thyssenkrupp Elevator Innovation Center, de la mano del so director xeneral Javier Sesma. L'actu tuvo llugar ayeri llunes na see del Palaciu del Conde de Toreno n'Uviéu.

 

Les Primes Proof of Concept enmárquense dientro de la Estratexa Rexonal d'Especialización Intelixente, Asturies RIS3. El investigadores de la Universidá d'Uviéu con llogros científicos en nanomateriales, grafeno, fabricación aditiva, analís de datos, sensores o biomedicina, van tener hasta'l 31 de mayu pa presentar les sos candidatures. 

 

Nel mes de xunu, va celebrase l'actu de defensa de los proyectos. El xuráu va conceder hasta cuatro primes, que van tener una dotación de 30.000 euros cofinanciaos al 50% pol IDEPA y ThyssenKrupp Elevator Innovation Center. Los grupos d'investigación, que van trabayar al pie de la empresa tractora van tener un añu pa llevar a cabu la prueba de conceutu.