El Conseyu de Gobiernu de la Universidá d'Uviéu aprobó güei la creación y funcionamientu de la Mesa del Estudiantáu nel intre d'una convocatoria estraordinaria onde tamién s'alcordó la ufierta de places pa enseñances universitaries oficiales de Grau que va impartir la universidá nel cursu académicu 2017-2018; el procedimientu y periodos de matrícula n'enseñances universitaries oficiales de primer y segundu ciclos y grau; la propuesta de Cambéu del Reglamentu pa los Concursos de Places de Cuerpos Docentes Universitarios en réxime d'interinidá y de Personal Docente ya Investigador en réxime de derechu llaboral; la propuesta de criterios pal amenorgamientu de la dedicación docente, según la propuesta de adscripción de profesores al Institutu Fernández Vega.

 

L'alcuerdu de creación de la Mesa del Estudiantáu supon l'establecimientu d'una canal directa de diálogu ente quien exercen la representación del alumnáu de la Universidá d'Uviéu y l'equipu rectoral, estableciendo un marcu fayadizu que dexe tratar y encauzar aquelles cuestiones d'interés pal colectivu d'estudiantes al traviés del intercambiu de propuestes ya información, de conformidá colos principios de llegalidá, cobertoria presupuestaria, obligatoriedá, bona fe, publicidá y tresparencia. Dicha Mesa, de composición paritaria, va tar integrada por cuatro representantes del equipu rectoral y cuatro del Conseyu d'Estudiantes.

 

En cuanto al procedimientu de solicitú de plaza y periodos de matrícula nel cursu 2017-2018, el Conseyu aprobó que'l plazu p'aquellos estudios d'almisión directa va ser del 3 de xunetu al 1 de setiembre de 2017. Los graos d'almisión directa son el Grau en Derechu, el Grau n'Educación Social, el Grau n'Estudios Clásicos y Románicos, el Grau n'Estudios Ingleses, el Grau en Filosofía, el Grau en Xeografía y Ordenación del Territoriu, el Grau n'Hestoria, el Grau n'Hestoria del Arte, el Grau n'Hestoria y Ciencies de la Música, el Grau en llingua Española y les sos Lliteratures, el Grau en llingües Modernes y les sos Lliteratures, el Grau en Marina, el Grau en Náutica y Tresporte Marítimu, el Grau en Terapia Ocupacional y el Grau en Turismu.

 

Pal restu de los graos la solicitú de plaza va tener una llende d'almisión que la so convocatoria ordinaria va dir del 16 de xunu al 3 de xunetu, publicar les llistes d'almitíos y escluyíos el día 13 del mesmu mes. Asina, va abrir hasta'l día 17 el plazu de matrícula, día en que tamién remata'l plazu pa formular posibles reclamaciones.

 

Per otra parte, la solicitú de plaza n'estudios con llendes d'almisión na convocatoria estraordinaria podrá efectuase ente los díes 24 de xunetu y 14 d'agostu, teniendo llugar la publicación de les llistes d'almitíos y escluyíos el día 24. D'esta manera, ente'l 24 y el 28 d'agostu podrá realizase la matrícula, según efectuar reclamaciones a dichos llistaos.

 

Finalmente, alcordóse que la matrícula provisional n'estudios con llende d'almisión puramente pa solicitantes pindios d'almisión n'otra universidá distinta a la d'Uviéu tenga'l plazu llende del 1 de setiembre.

 

Estos periodos de solicitú de plaza y matrícula queden pindia d'aprobación pola Conferencia Xeneral de Política Universitaria.

 

No referente a la propuesta de criterios pal amenorgamientu de la dedicación docente, ampliáronse los criterios esistentes, fundamentalmente, a la dirección de trabajo fin de grau, la dirección de tesis doctorales y, sobremanera, l'amenorgamientu de 20 hores a aquel profesores que veníen impartiendo 320, col fin d'incentivar la investigación.

 

Coles mesmes, a aquelles catedrátiques y catedráticos d'universidá que tengan una dedicación docente de 240 hores, y que según el decretu Wert nun ven amenorgada dicha dedicación hasta algamar el cuartu sexeniu, reconócense-yos tamién 20 hores por que puedan caltener la so actividá investigadora.