El Congresu sobre Educación Inclusiva axunta n'Uviéu a más de mil persones
L'oxetivu del eventu ye encetar les práctiques innovadores inclusives pa les distintes etapes del sistema educativu, pa los ámbitos social y llaboral, según pa la formación del profesoráu
Les Práctiques innovadores inclusives: Retos y oportunidaes" ye la exa central sobre'l que xira'l XIV Congresu Internacional d'Educación Inclusiva, entamáu pel área de Didáctica y Organización Escolar del Departamentu de Ciencies de la Educación de la Universidá d'Uviéu en collaboración col Centru UNESCO del Principáu d'Asturies. Nel eventu, que se desenvuelve nel Palaciu d'Esposiciones y Congreso "Ciudad d'Uviéu" del 3 al 5 d'abril, participen más de 1100 persones de toles comunidaes autónomes, casi dos doscientes d'elles de países llatinoamericanos. Coles mesmes, tán representaes más de cuarenta universidad.
El Congresu, que cunta col sofitu de la Conseyería d'Educación y Cultura del Principáu d'Asturies, el Conceyu d'Uviéu y el patrociniu de Fundación ONCE, Fundación Universia y Fundación Santillana, combina ponencies, paneles d'espertos, meses de comunicaciones y alcuentros con entidaes sociales del ámbitu de la diversidá y discapacidá. El Congresu desenvuélvese como un espaciu onde aldericar y compartir polítiques, investigaciones y esperiencies sobre práctiques innovadores inclusives en redol al sistema educativu nes sos distintes etapes, l'ámbitu social y llaboral, según les polítiques de formación del profesoráu.
Nel programa participen autoridaes y representantes del Ministeriu d'Educación, de la Organización d'Estaos Iberoamericanos, de la Oficina Internacional d'Educación de la UNESCO o del CERMI España ente otres entidaes ya instituciones collaboradores. Destaquen les intervenciones de Francesco Tonucci, Frato, (Istituto di Scienze y Tecnologie della Cognizione d'Italia), pedagogu de sonadía internacional, qu'acaba de ser investido como doctor ‘honoris causa' pola Universidá d'Uviéu; Tony Booth (University of Cambridge) y unu de los principales referentes mundiales nel ámbitu de la inclusión educativa; César Bona, maestru y escritor que foi candidatu al Premiu Nobel de la Enseñanza (Global Teacher Prize); Pablo Pineda Ferrer, maestru, sicopedagogu y escritor o Anabel Cornago, madre d'un neñu con TEA y escritora.
Galería d'imaxes
