La catedrática Derechu Internacional Públicu y Relaciones Internacionales de Paz Andrés Sáenz de Santa María foi proclamada definitivamente como Defensora Universitaria, al trescurrir el plazu axustáu pola normativa de la Universidá d'Uviéu dende la so elección per parte del Claustru'l pasáu 24 de febreru. La profesora toma'l relevu del catedráticu Ramón Durán Rivacoba, quien exercía'l cargu dende xineru de 2012.

El papel de la defensora universitaria va ser velar polos derechos de la comunidá estudiantil, el profesoráu y el personal d'alministración y servicios de la Universidá. Pa ello, va atender les quexes que-y formule cualesquier miembru de la comunidá universitaria, y va ufiertar la so mediación ante los desalcuerdos y diferencies que puedan esistir ente persones o colectivos de la mesma, proponiendo fórmules de conciliación.

Les actuaciones de la defensora universitaria nun van tar sometíes a mandatu imperativu de nenguna instancia universitaria y van venir rexíes polos principios d'independencia, imparcialidá, autonomía y confidencialidad.

Paz Andrés Sáenz de Santa María ye caderalga dende 1988. Dirixió la Revista Española de Derechu Internacional, foi conseyera del Reinu d'España ante la Corte Internacional de Xusticia nel asuntu de la Conformidá col Derechu internacional de la Declaración unillateral d'independencia de Kosovo (Opinión Consultiva de 22 de xunetu de 2010), xuez ad hoc del Tribunal Européu de Derechos Humanos a propuesta del gobiernu español (2010- 2012), Premio Estudios Xurídicos Europeos Eduardo García de Enterría na modalidá d'artículu) (2015), según académica de númberu de la Real Academia Asturiana de Xurisprudencia.